No día de hoxe, o Concello de Montederramo colaborou co Concello de Maceda na súa iniciativa de axuda ao pobo ucraíno, aportando productos de primeira necesidade. A Farmacia de Montederramo tamén colaborou donando material sanitario.

O Concello informouse das posibilidades que existen na actualidade para enviar axuda humanitaria a Ucraína. A resposta por parte da Federación Galega de Municipios e Provincias (FEGAMP), da Xunta de Galicia e da Secretaría de Estado de Cooperación Internacional é a seguinte:

• Debido á imposiblidade de asegurar unha correcta distribución do material humanitario que se está a recoller nas entidades Locais, aconséllase reservalo para ser distribuído entre a poboación ucraína que se acolla na nosa Comunidade, en tanto non se reciban outras indicacións. Polo tanto, polo de agora non se recollerá axuda material.
• As persoas que queiran colaborar poden facelo a través de achegas económicas.
• Nos informan das seguintes vías de canalización de aportacións económicas a ONG e organismos internacionais despregados no terreo:
  • Comunicado da Coordinadora española de ONGD: https://coordinadoraongd.org/2022/03/como-apoyar-a-las-ongd-espanolas-en-ucrania/
  • Chamamento da Federación Internacional da Cruz Vermella e da Media Lúa Vermella e do Comité Internacional da Cruz Vermella: https://www.icrc.org/es/donate/crisis-en-ucrania
  • ACNUR (Axencia de Nacións Unidas para os Refuxiados): https://eacnur.org/es/crisis-ucrania?UTM_source=abtasty&utm_medium=bubble

Agradecemos todas as mostras de colaboración por parte das veciñas e veciños e manifestamos a nosa total repulsa a esta invasión, desexando o antes posible o restablecemento da paz.